Премьера "От" театр студии Ордым

Премьера театральной постановки "От" (Простор) состоялась 26 мая 2014 в Гимназии искусств г. Сыктывкара при Главе Коми республики. Сюжет очень похож на библейскую притчу, по замыслу создателей содержание представлено как философское размышление (мӧвпалӧм), полностью на Коми языке.

Режиссер постановщик - Виктор Напалков, руководитель проекта - Елена Остапова, автор постановки - Ольга Баженова. Положительное решение Общества М.А.Кастрена о софинансировании было получено летом прошлого года, подготовка и репетиции спектакля начались в феврале.

"New-том-тевчук" - это большой проект от написания пьесы до ее постановки. По этому проекту Елены Остаповой, заведующей кафедрой Коми и финно-угорской филологии Сыктывкарского государственного университета, был проведен конкурс театральных пьес, написанных молодежью и для молодежи. Было представлено 14 работ, выбрана пьеса Ольги Баженовой, ее текст опубликован в журнале "Арт".

По предложению Виктора Напалкова спектакль по проекту "New-том-тевчук" был поставлен на базе Театр студии "Ордым" Сыктывкарской Гимназии искусств.

Театральная постановка в Концертном зале Гимназии искусств была очень массовой и зрелищной, см. фотоальбом, кликните фото для увеличения


Постановка "От" - это совместная работа участников:
Сыктывкарский государственный университет. Елена Остапова - руководитель всего проекта, Ольга Баженова, автор постановки и исполнители главных ролей - студенты университета.
Гимназия искусств. Театр студия "Ордым" - по существу, это театральное отделение Гимназии. Сыктывкарская Гимназия искусств при Главе Коми республики: Обучается 400 детей из разных районов республики, проявляющих творческие способности, есть общежитие. Более четверти из них из Сыктывкара. В составе Гимназии искусств общеобразовательная школа, музыкальное, художественное, хореографическое отделения, театральная студия, этнокультурный центр, концертно-выставочный зал. Директор Мария Кузьбожева. Адрес: г. Сыктывкар, ул. Печорская, 28. Тел. для справок концертного зала: 22-35-12.
Общество М.А.Кастрена Финляндской программы поддержки культур финно-угорских народов.
Видимо, также следует отметить участие Коми Христианской церкви, в постановку включены несколько ее духовных песен.

Отзывы участников и зрителей

Остапова Елена Васильевна:  Тавося ода-кора тöлысьö Сыктывкар канму университетса коми филология юкöнын лои выльтор: искусствояс гимназиялöн Концерт залын ми петкöдлiм "От" нима спектакль. Авторыс – 5-öд курсса студент Ольга Баженова. Спектакль пуктысь – республикаын нималана режиссёр В.М.Напалков. Ворсысьясыс – университетса студентъяс, сиктъясысь петавлöм да öнi карын уджалысь верстьö йöз, гимназияса "Ордым" театр-студияын да гуманитарнöй юкöнын велöдчысьяс.

Ставыс артмис "New-том-тевчук" творчествоа мастерскöйын, а ышöдiс миянöс 1921-öд воö Нёбдiнса Витторöн лöсьöдöм "Сыкомтевчук" котыр. Дерт, тöданныд, мый тайö медводдза сыктывкарса коми театрын ворсысь чукöр. Колян во вöлi В.Савин чужöмсянь тшупöда пас, и ми, тайöс тöд вылын кутöмöн, нуöдiм пьесаяс конкурс, медым медбур гижöдсö пуктыны сцена вылын.

Мый сiйö отыс? Коми сёрнисикасъясын сылöн эм некымын вежöртас, Емдiн районын весиг эм От нима сикт. Миян ногöн кö – пасьта, паськыдлун. Кутшöма оз тырмыв коми мортыслы олöмас паськыдлунсö аддзöмыс! Морт воштö батьсö, ёртсö, асьсö. Мыйла? Кыдзи аддзыны морттуйсö? Кодi отсалас? Та вылын и мöвпалам сцена вывсянь.

Унаторйö велалiм репетицияяс дырйи – öта-мöдöс дöзмытöг виччысьны, донъявны ассьыд да ёртыдлысь кадтö, "ворстöг ворсны", пыдди пуктыны быд мортöс да, кыдзи пьесаысь герой шуö, "лолавны ладöн". Корсим быд персонажлысь пытшкöсса майшасьöмсö, сылысь олöмын да сцена вылын инсö.

Медводдза петкöдчöмыс миянöс ышöдiс, кывзiм уна ошкöм, эмöсь и вöзйöмъяс. Мöдысьсö кöсъям петкöдчыны арнас. Видза корам ставнытö!

Пöся аттьöалам отсöгысь М.Кастрен нима котырöс (Финляндия), Сыктывкарса канму университетнымöс, искусствояс гимназияöн веськöдлысь М.В.Кузьбожеваöс, ставöнöс, кодi эз вöв веськодьöн миян дорö.

Быд бурсö сиöмöн – Сыктывкарса канму университетса коми да фин-угор филология кафедраса велöдысь Е.В.Остапова.

Ольга Баженова, 5-öд курсса студент, пьеса гижысь:  Спектакль дырйи позьӧ вӧлі кывны сьӧлӧмъяслысь лолалӧмсӧ, ышлолалӧмсӧ, бӧрдӧмсӧ. Мый вермас лоны миянлы ыджыдджык козинӧн? Дерт, кывйыс пьесаыслӧн абу пӧтӧса, ачыс формаыс ёна чотӧ, но шуда сійӧ мортыс, коді вермис аддзыны гӧль кыв сайсьыс ӧзъяна озыр сьӧлӧмъяс. Антуан де Сент-Экзюпери моз кӧ: "Тӧдӧ сӧмын сьӧлӧмыд. Медколанасӧ синмыд оз казяв". Аттьӧ видзӧдысьяслы, Елена Васильевналы, Виктор Михайловичлы, Владлы (Мортлы), Николай Александровичлы (Мортлöн батьлы), Васялы (Туймортлы), Ангелиналы (Редакторлы), Дималы (Мортлöн двöйниклы), Лёшалы (ичöтдырся Мортлы), Ксюшалы (мультимедиа дасьтысьлы), гимназияын велӧдчысьяслы ыджыд терпенньӧысь да сьӧлӧм сетӧмысь. Ен мед бурсиас и дивитысьяссӧ, и ошкысьяссӧ.

Василий Чупров:  Кор вöзйисны ворсны Олялöн "ОТ" пьесаын, весиг эг думыштлы, мый ворсны ог кöсйы. Окота лои ачымöс збыль артистöн кывны. Менам роль – Туйморт. Шöр геройсö (Мортсö) бур олöмлань туйдысь, велöдысь. Эз вöв сьöкыд пырöдчыны роляс, да и ачыс пертасыс мен сьöлöм вылö воис. Ен кодь геройсö, ставсö тöдысьсö да вермысьсö ворсі сьöлöмсянь. Унаöн тай шуісны: весиг эг пö тöдмалöй тэнö, гöлöсыд пö весиг вежсьöма сцена вылас. Сідзкö ворсысьнас верма лоны. Уналы кажитчис менам герой, меным тшöтш. А сценаыс быттьö торъя олöм: сулалан вылын, ставыс сöмын тэ вылö видзöдöны, ылын бияс, гöгöр пемыд да лöнь. Зэв кажитчис ыджыд сцена вылад ворсны. Эска, мый ог на и бöръяысь.

Алексей Попов, мöд курсса ведлöдчысь:  Пьеса йылысь ме верма висьтавны сӧмын буртор. Помнита, кор медводдзаысь лыдди Оля Баженовалысь "От" пьесасӧ, ставсӧ, дерт, сразу эг гӧгӧрво. Но ветлӧдлі лыддьысьны, репетицияяс вылӧ. И сӧмын сэки ме куті вежӧртны, мый йылысь мунӧ сёрниыс.

Гижӧдыс Олялӧн зэв аслыспӧлӧс: висьтавсьӧ Мортлӧн олӧм йылысь и сэкжӧ шыӧдчӧ Ен тема дорӧ. Пьесаын ме вӧлі Морт ичӧтдырйи. Кывъясыс вӧлі этша, но и сійӧ петкӧдчӧмыс колана, сы вӧсна мый быдӧнлӧн вӧлі батьыскӧд кутшӧмкӧ да кутшӧмкӧ зыксьӧм. Челядьдырся кадӧ ӧд он на гӧгӧрво, мый батьтӧг овны сьӧкыд, но, кор ставсӧ нин вежӧртан, тӧдан нин, мый бать – тайӧ зэв колана морт быдӧнлӧн. Синтӧ восьтӧ олӧмас тайӧ пьесаыс. Премьера бӧрти думайтны куті мӧд ногӧн. Оз ков лӧгавны, оз ков ассьыд лӧгтӧ веськӧдны мод морт вылӧ, оз ков ӧтдортчыны ёртъясысь, бать-мамысь. А мöдарö, колӧ мунны накӧд, и тӧдны, мый тэнӧ радейтӧны, пыдди пуктӧны!

Виктор Михайлович Напалковлы зэв ыджыд аттьӧ шуа! Ӧд сійӧ уджаліс миянкӧд, терпитіс миянӧс, отсасис. Пуктіс пьесасӧ сцена вылӧ сэтшӧм нога, мый ме весиг эг вермы и думыштлыны татшӧмторсӧ.

Менам ыджыдджык вокӧй, Дима, сідзжӧ ворсіс тайӧ пьесаын. И быд репетиция бӧрын ми тшӧкыда сёрнитім олӧм йылысь, Ен йылысь, бать-мам йылысь, ёртъясӧс казьтывлім. Пыр на сійӧ рытыс менам син водзын: креслӧ вылын видзӧдысьяс, кулиса сайын студентъяс да гимназияса велӧдчысьяс, Виктор Михайлович видзӧдӧ миян петкодчӧм вылӧ быд боксянь. Аттьӧ зэв ыджыд Ольгалы тайӧ пьесаысь! Бур, мый татшӧм йӧзыс эмӧсь, кодъяс эскӧны бур олӧмӧ, Енмӧ, мортлӧн олӧм вылӧ вежсьӧмӧ!

Ирина Изъюрова, 333 группа:  Май 26-öд лунö Искусствояс гимназия сцена вылын ми видзöдім "От" спектакль-мöвпалöмлöмлысь премьерасö. Йöзыс вöлі уна: и верстьö , и том йöз и весиг челядь. Меным зэв ёна кажитчис спектакльыс. Медводдза жö здукъясас ме дзоньнас быттьö унмö вöйтчи. Но меным эз окота вöв узьны! Окота вöлі кывзыны и гöгöрвоны быд кыв, быд шы, быд вöрöм. Кор сöмын на кутісны кывны медводдза сьыланкыв шыясыс, менö быттьö тірöб босьтіс, сьöлöмöй ылькнитіс. Меным вöлі сэтшöм бур да лöсьыд, мый ме вунöдлі тайö кад кежыс став йывсис. И вöлі весиг неуна жугыль, мый ставыс öдйö помасис.

Унджык спектакль ворсысьсö ме тöда. Тайö менам ёртъяс. И ме чайта, мый рольясыс быдöнлы лöсялöны. Сійö олансерыс, кутшöмöс найö петкöдлісны, быттьö олісны, сцена вылын, эм на пиын. Менам весиг петіс синва öти здукö. Збыль! Сэні герой ворсіс челядьдырся кадсö: матыстчис корны отсöг батьыслысь, а сійö писö öтдортіс, шуис, мый кадыс абу. И пиыс сэтшöма скöрмис! Татшöм жаль лоис кагаыс. Ми ставным тадз тэрмасям овны, мый матыссаяс вылö дзик ог кольöй кад.

Ме думысь, тайö спектакльсö позьö видзöдны кöть мыйтаысь. Бурджык, лоö кö сійö нöшта петкöдлöма кутшöмкö кадколаст бöрын. Öд öні ми ставсö гöгöрвоим öти ногöн, а кор коляс кад, ми вежсям, и сьöлöмö да вежöрö воасны дзик мöд нин, выль кылöмъяс да мöвпъяс.

Настя Мишарина, 4-öд курсса студент, видзöдысь:  Май 26-öд лунӧ ме видзöдi Оля Баженовалöн "От" пьеса серти спектакль. Медводдза петкӧдчӧмсянь тыдовтчис спектакль пуктысьяслӧн сьӧлӧмсянь уджалӧм да зіля ворсӧм. Ворсысьясӧн вӧліны университетса студентъяс да выпускникъяс, мый нӧшта на ышӧдіс волыны премьера вылӧ.

Видзӧдысьясӧн вӧліны велӧдчысьяс, студентъяс, велöдысьяс, гижысьяс, коми кыв да литература туялысьяс да уна мукöд йöз. Весиг Кожмудор сиктысь воисны 22 морт! Эз весьшöрö чукӧрмы уна зритель: спектакльлӧн вӧлі ыджыд вежӧртас. Ӧнія том да верстьӧ войтыр оз ёна мӧвпавны, кыдзи колӧ правильнӧя да бура овны. Уна йӧзлӧн олӧмас да вежӧрас абу места Енлы. Пьесаын ворсысьяс кужӧмӧн петкӧдлісны збыль Ентӧг олӧм. Ольга ышӧдіс видзӧдысьясӧс аслас пьесанас бур олӧм дорӧ, колӧ лэдзны аслад сьӧлӧмӧ Енсӧ и сэки тэнад олӧмын лоас и радейтчӧм, и шудлун, и ставыс лоас лючки. Сӧмын колӧ кывны Енсӧ да сибӧдны ас дорад.



Елена Остапова и Ольга Баженова.

Виктор Напалков, фото 2 июня 2014.

См. фотоальбом постановки "От" 26 мая 2014.

*   *   *

Первая публикация 27 мая 2014 на сайте foto11.com - Новости. Ссылки по теме: Коми театр, Коми Христианская церковь, Праздничный вечер христианской Троицы в Сыктывкаре в июне 2011.