ТЕШТОРЪЯС ичӧт кагаяслы

"Мича Лун", Сыктывкар, 1991.

Лӧсьӧдіс М.С.Лызлова, серпасаліс В.В.Токарев.

ТЕШТОРЪЯС

Тайӧ чуньыс дедӧ, тайӧ чуньыс бабӧ,
Тайӧ чуньыс батьӧ, тайӧ чуньыс мамӧ,
А тайӧ миян кага, шуӧны Денисӧн.

*   *   *

Рӧдта, рӧдта бабӧ дорӧ, рӧдта, рӧдта дедӧ дорӧ
Вӧв вылын гӧрд шапкаӧн.

*   *   *

Ыджыд чипан ывлаті ветлӧдлӧ,
Ичӧт чипанъясӧс видзӧ,
Ассьыс кагаяссӧ гуляйтӧдӧ.

*   *   *

Чеччалӧ ичӧтик кӧчпи мыръяс вывті,
Чеччалӧ зэв ӧдйӧ,
— Ноко, кут вай сійӧс!

*   *   *

Каньӧй, каньӧй, каньӧй — брысь!
Туй шӧрас эн пуксьы,
Миян ичӧт кага мунігас
Тэ пыр вермас усьны.

*   *   *

Ой, лады-ладушки, огӧ полӧй ваысь,
Мичаа мыссям да мамӧкӧд вашъялам.

*   *   *

Ваӧй, ваӧй, мыськы менсьым чужӧмӧс,
Мед синъясӧй югъяліс,
Мед чужӧмӧй гӧрдӧдіс,
Мед сераліс вомӧй и курччасис пиньӧй.

*   *   *

Туруныс садьмис, лэбачыс тусь аддзис,
Кӧч - морковь, шыр - нянь корка, челядь - йӧв.

*   *   *

Вежӧра Катюк, сёй юмов рок,
Чӧскыд, дэбыд, небыд да кӧра.

*   *   *

Став йӧзыс узьӧны, став зверыс узьӧны:
Кайяс пу вылын, ручьяс — гӧра вылын,
Кӧчьяс — турун вылын, байдӧгъяс — ва вылын.
Ичӧт челядьяс зыбкаын узьӧны и
Ставыслы узьны тшӧктӧны.

*   *   *

Узь вай, унмовсь, ичӧт Ӧндрей,
Став лэбачыс узьӧ, став чикышыс узьӧ,
Миян Ӧндрейлы тшӧктӧны узьны тожӧ.

*   *   *

Валеги, валеги, абу ыджыд, абу ичӧт,
А дзик стӧч сьӧд синъяса Машуклы.

*   *   *

Катюк, Катюк, ичӧт Катюк,
Тапикты туй вывті, зымгы, Катя, кокнад.

*   *   *

Унмовсь да узь, дитя менам Ваня,
Став курӧгыс узьӧ, став чикышыс узьӧ,
Став лэбачыс и вӧрсаыс узьӧ
И миян Ванюклы узьны тшӧктӧны.

*   *   *

Вомыд — турипув, нырыд кизь моль,
Синъясыд — сьӧд сэтӧр, кага менам — акань.

*   *   *

Зэрӧй, зэрӧй, тырмас зэрны,
Миян челядьясӧс кӧтӧдны!

*   *   *

Шонді, шонді, петав татчӧ,
Виччысьӧны тэнӧ йӧзыс,
Да виччысьӧ став челядь.

*   *   *

Лю-ли, лю-ли, лю-ли,
Воисны став гули.

*   *   *

Лады, лады, лады,
Регыд Ванюшлы ӧти арӧс.

*   *   *

Кӧртав меным шарп, вӧча лымйысь мач,
Мачсӧ тупляла, гуляйтны петала.

*   *   *

То тайӧ сапӧгыс:
Тайӧ — веськыд коксьыс,
Тайӧ — шуйга коксьыс.
Зэр кӧ мӧдас мунны,
Кӧмалам галоши:
Тайӧ веськыд кокас
Тайӧ шуйга кокас.
Вот и лӧсьыд лои.