ЧЕЛЯДЬ СЁРНИЫСЬ ичӧт кагаяслы, л.б. 2.

"Мича Лун", Сыктывкар, 1991.

Лӧсьӧдіс М.С.Лызлова, серпасаліс В.В.Токарев.

ЧЕЛЯДЬ СЁРНИЫСЬ, л.б. 1, л.б. 2.

Толик:

— Батьӧ, ну менӧ автобус дорӧдзыс, а сэсся ме ачым муна.

*   *   *

Земфира мамыслы:

— Ме кӧсъя, мед сёрнитісны миян каньным да понным, налӧн ӧд эм жӧ кывныс.

Мамыс:

— Менам тэнад сёрнитӧмысь пельӧй сьӧдмӧ.

*   *   *

Миля:

— Кор ме ичӧт вӧлі, тайӧ школаас велӧдчи, сэсся быдми да садйӧ куті ветлӧдлыны.

*   *   *

Ичӧт Зарема:

— Дед, а лампочка пытшкас эм пач?

*   *   *

Наташа мамыслы:

— Мам, тэ коркӧ ёна важӧн ичӧт вӧлін?

— Да, нылук!

— А коді менам сэки мамӧ вӧлі?

*   *   *

— Олег, кӧні уджалӧ тэнад бабушкаыд?

— Садйын.

— Мыйӧн?

— Маргарита Степановнаӧн.

*   *   *

Воспитательница:

— Олег, пуксьӧд, пӧжалуйста, аканьястӧ и мун гортад, тэла бабушкаыд локтіс.

Олег:

— Ме, Вера Васильевна, пӧжалуйста, найӧс лечита, ещӧ став аканьыс на висьӧ.

*   *   *

— Кирочка, мый тэ талун бара кызӧдан?

— А менам талун кынӧм висьӧ.

*   *   *

Нюша:

— Мамӧ, столбъяс вылас кӧ эз ӧшӧдны сутугаяссӧ, кӧні сэки эськӧ ракаясыс пукалісны?

*   *   *

Митюк:

— Ме сэтшӧм ёна котралі, мый весиг шапкаӧй пӧсяліс!

*   *   *

Максим куим тӧлысся чойыс йылысь:

— Талун асывнас ме шуа: «Кира, ме ӧд ӧні садйӧ муна».

А сійӧ нюмъялӧ, думайтӧ,— ме пӧръяла.

*   *   *

Наташа:

— Концерт вылын сэтшӧм мича тётя сьыліс, сэтшӧм мича, ни ӧти юрси абу, ставыс кудри.

*   *   *

— Вот, Игорёк, тэныд регыд нёль арӧс тырас,— шуӧ мамыс.

— А кыдзи тырас?

*   *   *

— Миша, кыдзи нӧ тэ вундін китӧ стеклӧӧн?

— Эг стеклӧӧн, а ичӧтик стеклӧ торйӧн.

*   *   *

Мамыс гортас быдӧнлы удж индӧ.

Юля:

— А ме понда бус бӧрся вӧтлысьны.

*   *   *

Саша зэв сюся видзӧдӧ улитка вылӧ да корӧ:

— Улитка, улитка, петкӧдлы ассьыд сюръястӧ.

Витя:

— Мый тэ тшӧктан мый оз ков, колӧкӧ, мортыс узьӧ.

*   *   *

Макар тадзи талун заводитіс висьтавны мойд:

— Оліс-выліс сар, волі сылӧн куим пи. Ыджыд — садйӧ ветлӧ, медся ыджыд — школаӧ ветлӧ, а медся ичӧтыс некытчӧ на оз ветлы.

*   *   *

— Ксюша, тэ бара талун бӧрдін садъяд?

— Эг, ме ичӧтика толькӧ бӧрдышті.

*   *   *

Олежек:

— Мамӧ, кор Кӧдзыд Пӧльыс ичӧт вӧлі, сэки ичӧтик Кӧдзыд Пӧльӧыс вӧлі?

*   *   *

Сашиклӧн йӧг кайӧма — усьӧма да. Мамыс кӧсйӧ жалитыштны.

— Эн, мамӧ, вӧрӧд, ыджыда быдмас.

*   *   *

Кирилл зэв ёна полӧ пемыдысь. Садйӧ оз радейт ветлӧдлыны. Талун асывнас биыс кусіс гортас, сійӧ и шуӧ:

— Садйӧ муна...

Мамыс:

— Но, мыйлакӧ?

— Сэні век эм биыс.

*   *   *

Кирочка гортас висьталӧ мойд:

— Олісны-вылісны дед да баба, налӧн вӧлі ичӧтик Машенька. Олісны, олісны зэв дыр да бура, и вот налы паныдасис кӧин...

*   *   *

Олеся:

— Мам, вай чеччам нин, пока югыд, а то бара пемдас.

*   *   *

— Мыйкӧ, Миля, тэнад чужӧмыд зэв гӧрд,— шензъӧ мамыс.

— А коді менсьым чужӧмсӧ гӧрдӧдіс?

*   *   *

— Бабӧ, талун тэ меным сьыланкыв сьыв,— корӧ Ира.

— Ог вермы нин ме сьывны, гӧлӧсӧй вошис.

— Но вай первой корсям.

*   *   *

Садйӧ мунӧны ичӧт Валя да мамыс. Ортса керкасьыс пон уськӧдчис да увтны кутіс.

— Мамӧ, чолӧмаліс миянӧс Тузикыс? А ӧні уже прӧщайтчӧ сразу?

*   *   *

— Мамӧ, кор ме лоа ичӧт, тайӧ платтьӧсӧ бара кута новлыны?

(Платтьöыс Наташалöн вöлі медся муса).

*   *   *

Зина зэв ёна радейтö корны мамыслысь витамин:

— Мамö, ещö öти витамин вай.

— Абу нин.

— Но самöй медбöръясö вай. Он кö сет — ме тэнö кута шуны бабöн.

*   *   *

Школаысь локтіс Серёжа. Мамыс юалö:

— Кодöс талун учительыд ошкис?

— Тэнö, мамö.

*   *   *

Дуня:

— Менам акань талун зэв мича, сійö сідзкö верöс сайö петö. Кор тётя Оля верöс сайö петіс, тожö вöлі мича.

*   *   *

— Миян садйын мойдын колькйыс усис и жугалі,— шуö Артёмка. — Мамö, петав лавкаö да ньöб öти кольк прöстöйöс.

*   *   *

Ляля ворсігас мыйкö уськöдіс, мамыс видö:

— Мый бара керан?

— Менам киöй зэв гора ворсö.

— Мун гуляйтышт неуна ывлаын.

— Ог вермы, став чачаыс жугаліс.

*   *   *

Нина юалö батьыслысь:

— Пап, ті мамöыдкöд öти лунö гöтрасид?

*   *   *

Батьыс садйö локтіс Ванюшысла.

— А тэ меным ньöбин шоколад?

— Талун эг.

— Талун ог либö мун гортад.

*   *   *

Садйын воспитатель челядьыскöд петкöдісны шыдöс кайяслы. Боря:

— Энö шумитöй, а то лэбзясны кайясыс и пажынöдз тшыг лоöны.

*   *   *

Полина:

— Менам мамö ньöбис зэв дона чойöс, киас кöрталöма донсö вöлі.

*   *   *

Садйын занятие вылын воспитатель тшӧктӧ керкаыслы серпасавны труба да тшын.

— Тамара Алексеевна,— шуӧ Павел,— миян керкаын абу пачыс.

— А ме серпасала,— шуӧ Коля,— мед мамӧ кӧвдум пӧжалас.

Дима нырнас кыскыштіс:

— Меным бабӧ рыська шаньга пожалӧ.

*   *   *

Римма рытнас водігас шуӧ:

— Бабӧ, талун мойдсӧ лыддьы бӧрсяньыс.

— Мыйлакӧ?

— Ӧдйӧджык тӧдмалам, мыйӧн помассьӧ.

*   *   *

Иралы батьыс коз пу вайис выль во кежлӧ.

— Батьӧ, а ош коз пусӧ выль во кежлас гуас пуктас?

*   *   *

Кирилл:

— Кӧдзыд Пӧльыс ваяс меным гӧснечсӧ таво?

— Кывзысьны кӧ кутан, ваяс, гашкӧ,— шуӧ мамыс.

— А висьмас кӧ?

*   *   *

— Кытысь нö зэрыс киссьӧ? — шензьӧ Аннушка.

— Небесасьыс.

— А мый нö небесаыс розя али мый?

*   *   *

Лина висьмис талун, куйлӧ гортас диван вылын и шуӧ:

— Ме кӧсъя небесасьыс кодзув кутны.

— А сійӧ зэв пӧсь, киыд сотчас,— висьталӧ мамыс.

— А ме акань рузумӧн кута.

*   *   *

Катялы бабыс мойд лыддьӧ куим ош йылысь да петкӧдлӧ:

— Тайӧ батьыс, тайӧ мамыс, а тайӧ пиукыс.

Катя:

— А бабыс нö коні?

*   *   *

Гуляйтігӧн Дина шуӧ воспитательыслы:

— Тэнад юр вылӧ усьӧма кор.

— Абу тэнад, а тіян юр вылӧ, колӧ шуны,— велӧдӧ Елена Ивановна:

Дина:

— Абу миян, а тэнад юр вылӧ.

*   *   *

Мамыс Ильюшаӧс водтӧдӧ узьны:

— Пиук, вод нин öдйö, а то регыд чеччыны нин ковмас.

— Но мед, ме öдйö узя.

*   *   *

Телевизор дорын пукалöны батьыс да пиыс, видзöдöны хоккей ворсöм «Строитель» (Сыктывкар) да «Зоркий» (Красногорск). Олег куим гол бöрын выключитіс телевизорсö:

— Сэсся найö оз миянлы сюйны.

*   *   *

Кык друг сёрнитöны:

— Менам ичöт вок нинöм оз куж сёрнитны, толькö «вай».

— А менам батьö öти кыв тожö кужö шуны: «Ап-чхи!»

*   *   *

Мамыс мунö лавкаö да Ирочкалы шуö:

— Ворс пока папыдкöд.

— А öні сідзкö сійö лоö менам мамö?

*   *   *

Агнюша видзöдö телевизор пыр «Спокойной ночи, малыши».

— А ті верманныд петны, тайö абу ыджыдъяслы мультик.

*   *   *

— Батьö, ньöб меным сэтшöм труба, кутшöм Гришалöн.

— Ог, пиук, кутан мешайтчыны меным уджавны.

— А ме кута ворсны, кор тэ кутан узьны.

*   *   *

Ксюша аддзис кузь автобус «Икарус» да горöдіс:

— Ой, кык автобус öтлаасьöмаöсь.

*   *   *

Гена аддзис паровоз и шензьö:

— Мыйла тайö сэтшöм ичöт поезд, эз на быдмы?

*   *   *

Павлик висьталö мойд:

— Олісны-вылісны пöрысь дед да баба, налöн вöлі важ потöм ванна, сулаліс зэв дыр нин вадорын, а дедыс некыдз оз вермы зарни чери кыйны.

*   *   *

Лина некыдз оз вод, öтарö корö лимонад.

Бабыс шуö:

— Эн менö дöзмöд.

Мамыс юалö:

— Мый бабыд шуис?

— Сійö шуö, эн пö менö дöзмöд, значит, абу лимонадыс. А ме тöда — эм холодильникын.

*   *   *

— Öні, бабö, кымын час? — юалö Стасик.

Бабыс оз ёна кыв:

— Коді кымыньтчас?

*   *   *

Женя:

— Ывлаас сэтшöма зэрö, дажö небесаыс грымгö.

*   *   *

Мамыс тшöктö писö сёйны.

— Мед вöлі öдйо сёйöма. Ме часі вылö видзöда.

— А тэ эн видзöд.

*   *   *

Андрюша:

— Мамö, ме аски ог бöрд сэсся садъяд, только талун бöрдышта.

*   *   *

Мамыс Валериклы:

— Эн пызан саяд сёрнит, тэ вылö Вера Васильевнаыд жалуйтчö.

— А ачыс пыр Нина Ивановнакöд сёрнитö.

*   *   *

— Егорушка, эн тэрмась мыссигад,— шуö мамыс,— бурджыка мыссьы.

— А видзöд, кыдзи ваыс кранас тэрмасьö.

*   *   *

— Кагукöй менам, тавой зэв бура узин, мый нö вöтасин?

— Нинöм дзик, зэв волі пемыд.

*   *   *

— Мам, кутшöм чипан кок вылын сулалö керкаыс Ёма Бабалöн?

*   *   *

— Галина, пöдлав нин вомтö вай,— корö мамыс.

— А кыдзи кута сэки сёрнитны?

*   *   *

Параöн прöйдитісны улича вывті детсадса челядь:

— Менö эз таляв машина, а тэнö?

*   *   *

Геня оз кöсйы на узьны водны.

— Мамö, кор тöлысь петас, сэки лоö вой?

*   *   *

— Лидук, эн вöрöд кинад лампочкасö, сійö пöсь,— шуö мамыс.

— Лампочкаас пач эм?

*   *   *

— Павлина, эн мешайт папыдлы уджавны,— шуö мамыс.

— Ог, сійö лыддьысьö.

*   *   *

— Олюш, татысь васö эн ю (зэр ва),— висьталіс мамыс.

— Мед ог ичöт кöза питор ло?

*   *   *

Садйысь воис Геля да быдöнкöд здоровайтчö:

— Бабуля, чолöм, дедуля, здорово. Тятьö, привет!

— Мый нö тайö кагаыс лоöма?

— А ми садйын быдöнкöд здоровайтчам.

*   *   *

Ким:

— Ме дöрöмöн чужи. А тэ? — юалö Костялысь.

*   *   *

Фаиналы оз узьсьы.

— Мам, мыйла менам синъяс оз узьны?

*   *   *

— Мыйла эськö коз пуыслöн уна лыс? Мед чача öшлыны? — юалö ичöт Алла мамыслысь.

*   *   *

— Талун нырад водігад капля капнитам,— шуö мамыс Людалы.

— Ой, оз ков, лучшö пельö.

*   *   *

Кирилл:

— Ме гуляйтігöн талун бара лым сёйи.

Мамыс:

— Мыйла нö сёйин, горшыд висьмас.

Кирилл:

— Мед доктор локтас и больничаöн мекöд ворсас.

*   *   *

Воспитатель:

— Челядь, коді пукалö машинаас да веськöдлö?

Öндрей:

— Машинист-шоперист.

*   *   *

Вова:

— Ичöт чикышыс кор быдмас, ыджыд рака лоö?

*   *   *

— Мамö, менам туплиöй киссьöма, нуан туфлежниклы вöчны?

*   *   *

Мамыс телефон пыр сёрнитіс батьыскöд, сэсся шыöдчис:

— Ромук, тэныд зэв ыджыд чолöм батьыд ыстіс.

— А кöні чолöмыс?

*   *   *

Костя мунö садйö автобусöн:

— Мамö, а автобусыс ловъя?

— Абу, дитюк.

— Кыдзи либö мунö да öдзöссö восьталö да пöдлалö?

*   *   *

Саша бабыскöд ворсö.

— Ме батьö моз жö öні муна удж вылö.

Сэсся котöртіс да кавшасис бабыслы пидзöс вылас.

— Батьясыд öд оз пукавны пидзöс вылад, Сашик.

— А ме ичöтик на батьтор.

*   *   *