ЧЕЛЯДЬ СЁРНИЫСЬ ичӧт кагаяслы

"Мича Лун", Сыктывкар, 1991.

Лӧсьӧдіс М.С.Лызлова, серпасаліс В.В.Токарев.

ЧЕЛЯДЬ СЁРНИЫСЬ, л.б. 1, л.б. 2.

Миша локтіс садйысь гортас да порог дорсянь шуӧ:

— Бабӧ, пызьтӧ чукӧрт да меным кӧвдум пӧжав, но эн педкӧдлы ручлы.

*   *   *

Детсадйын Павлик шуӧ воспитательыслы:

— Анна Ивановна, ме тіянӧс радейта.

— Мыйысь, Павлик, менӧ тэ радейтан?

— А меным мамӧ тшӧктіс!

*   *   *

Ёлка бӧрын Яша гортас висьталӧ:

— Кӧдзыд Пӧль вайис ыджыд мешӧк тыр мӧд группаысь челядьӧс!

*   *   *

Кык ныв сёрнитӧны:

— Ёлка кежлӧ мамӧ вурӧ меным капронӧвӧй платтьӧ марляысь.

— Меным важӧн нин вурис, толькӧ кияссӧ колӧ ӧтлаӧдлыны.

*   *   *

Батьыс воис удж вылысь, Анжела сулалӧ пельӧсын.

— Талун бара сулалан пельӧсын? — юалӧ батьыс.

— Мамӧ сувтӧдіс.

— А мыйысь?

— Медым ме ог мешайт сылы ӧтарӧ-мӧдарӧ ветлӧдлыны.

*   *   *

Телевизор пыр кутісны поводдя висьтавны, Олег корӧ мамсӧ да батьсӧ:

— Локтӧй видзӧдӧй, кутшӧм тіянлы аски колӧ поводдя!

*   *   *

Асывнас Олюш садьмис, видӧдліс ӧшинь пыр и аддзис мый зэрӧ:

— Талун ме плащӧн муна садьӧ и зэрыс менӧ оз аддзы.

*   *   *

Анюкӧс пӧрччӧдӧ ыджыд чойыс.

— Эн гораа пӧрччӧд, платтьӧыс косяссяс.

*   *   *

Горничаын друг биыс кусіс. Верочка:

— Кӧні ме ӧні?

Мамыс:

— Тані, нылук!

Верочка:

— А ме думышті, мый ме абу.

*   *   *

Ичӧт пиыс, кылӧ, бӧрдӧ.

— Коля, бара тэнӧ колӧ накажитны али мый? — шуӧ батьыс.

— Оз, папук, ков.

— А мыйла Василёкыс либӧ бӧрдӧ?

— Кыдз нӧ тэ менӧ накажитан, ме кӧ тэысь ичӧтджык?

*   *   *

Локтісны гӧститны бабыс да дедыс Максимъясӧ. Сійӧ ошйысьӧ:

— Ме букваяс нин тӧда.

— Но, кутшӧм нӧ медводдза букваыс?

— А!

— Молодеч, а сэсся?

— Сэсся став ӧстальнӧйыс!

*   *   *

Садйын сёрнитӧны кык подруга:

— Марина, тэнад эм ичӧт чой или вок?

— Эм, вок.

— Бӧрдӧ?

— Мукӧддырйи бӧрдӧ.

— А мыйла?

— Ог тӧд, меным оз висьтав.

*   *   *

Сёрнитӧны кык тӧварыш:

— Менам батьӧ зэв смелӧй.

— Мыйӧн тӧдан?

— Тӧрыт картупель весалігӧн чуньсӧ вундіс да эз и бӧрддзы!

*   *   *

— Менам мамӧ тӧрыт дӧрӧм меным вурис, а ме сылы отсалі— ошйысьӧ Галя.

— Кыдзи тэ отсалін?

— Лабич вылын шаня сы дінын пукалі, эг вильшась!

*   *   *

Кирилл вайӧма чери мамыслы, а мамыс видӧ:

— Мыйла менсьым эн юась вуграсьнытӧ мунігад?

— Тэ эськӧ эн лэдз сэки.

*   *   *

— Вова, мыйла тэ пасьтасин зэв мисьтӧма?

— А тӧрыт тэ шуин, мичаӧ пӧ пасьтаси!

*   *   *

Ичӧтик Витя ачыс мыссьӧ. Мамыс юасьӧ:

— Китӧ мыськин, Витюк?

— Мыськи, мамӧ.

— Чужӧмтӧ мыськы.

— Мыськи нин.

— Пельястӧ мыськин?

— Ӧтисӧ. Аски мӧдсӧ мыська.

*   *   *

Ывлаын даддьын ислӧдлӧ Юля ичӧтик чойсӧ.

— Кымын тӧлысь тэнад чойыдлы? — юалӧ тьӧтка.

— Квайт и меным квайт арӧс.

— Оз на ветлӧдлы ачыс?

— Оз, Вика зэв дыш.

*   *   *

Виталик воспитательяслы шӧпкӧ:

— Ставӧн шумитісны и ме тшӧтш горзі.

*   *   *

Гришуклы зэв окота кампет сёйны:

— Мамук, позьӧ ме тэнӧ гӧститӧда?

Мамыс нюмъялӧ:

— Гӧститӧд.

Гришаыс босьтіс пызан вылысь кык кампет:

— Тайӧ тэныд, а тайӧ меным.

*   *   *

Митя оз радейт лук и шуӧ воспитательыслы:

— Ида Ивановна, ме луксьыс ог аддзы витаминсӧ.

*   *   *

Вася дзикӧдз дӧзмӧдіс мамсӧ юасьӧмнас и мамыс ыстіс бать дорас.

— Пап, вай ворсӧд менӧ, пока мамӧ меысь шойччас.

Батьыс газет лыддьӧ и оз кыв.

— Мам, батьӧыд газеткӧд сёрнитӧ!

*   *   *

Алёшик кисӧ сюйис аквариумӧ да кутіс ӧти чери.

Мамыс аддзис да видны кутіс:

— Мыйла тэ тадзи вӧчин, Ӧльӧш?

— А мед косьмыштас.

*   *   *

Ичӧт Антон сёрнитӧ телефон пыр батьыскӧд:

— Батьö, тэ дыр на он лок?

— Ог на, пиук, ме зэв ылын.

— А кыдз нö тэ эськö мекöд сёрнитан?

*   *   *

Воспитатель öлöдö Наташаöс:

— Эн ёна котрав группаас.

— Нина Петровна, ме кута подöн ветлöдлыны, либö пешком.

*   *   *

Зэв ёна внукъясыс ворсігас шумитöны, бабыс и шуö:

— Кытчö и воштысьны тіянысь?

Ичöт Алик:

— Кухняö воштысь.

*   *   *

— Йöзыс öбезьянаысь лоöмаöсь,— шуö Сеня.

— А ме левысь, менö кö Левöн шуöны.

*   *   *

Челядь гуляйтігöн.

— Тэ мыйла бобувсö кутін? Менам мамö кысь сэсся кутас кутавны аслас коллекцияас?

*   *   *

Вероника аддзис тöлысь и шензьö:

— А талун коді тöлысьсö чегöма?

*   *   *

— Наталья Ивановна, менам киын жель быдмö, — шуö Дениска.

*   *   *

Мамыс гижö письмö и нюмъялö. Петя аддзис и шуö:

— Тэ варенье йылысь гижан, да?

*   *   *

— Мамö, а мыйла миян Тузик век увтö сёйигöн?

— Он ачыд панясь, вот и скöралö.

— А кута кö панясьны, некор оз кут увтны?

*   *   *

Воспитатель юалö Юралысь:

— Кöні тэ олан?

— Мамö тöдö, рытнас юала.

*   *   *

Женя: — Батьö, тэ аэропланöн лэбалан?

— Да, пиук.

— А кыдзи тэ лэбалан, тэ öд абу ни чикыш, ни байдöг.

*   *   *

Ирина Васильевна:

— Ӧндрей, тэ мыйла он здоровайтчы?

— А ме эг на дзикӧдз пыр.

*   *   *

— Нина Петровна, прӧстит менӧ, ме сэсся ог кут вильшасьны.

— Колӧ шуны, прӧститӧй, пӧжалуйста.

— Нина Петровна, прӧститӧй пожалуйста, ме нинӧм ог кут сэсся вӧчны.

*   *   *

Ильюша видзӧдӧ зэв дыр кодзувкот вылӧ. Мамыс юалӧ:

— Мый нӧ сэні аддзин?

— Эг на аддзы мамсӧ.

*   *   *

Ичӧт Кирюша:

— Коді лэдзис лэбачьяссӧ кӧмтӧгыс тапикасьны няйт гуранас? Мамыс?

*   *   *

Садйӧ локтіс медводдзаысь ичӧтик Жанночка. Елена Ивановна:

— Мый нӧ сэтшӧм жугыль, Жанночка?

— Мамӧ муніс да.

— Но и мед муніс кӧ, локтас рытнас тэла.

— А коді менӧ паньӧдас?

*   *   *

Кык ныв сёрнитӧны садйын:

— Ме талун вой чӧж эг узь, аканьӧй висис.

— А ме талун куим вой чӧж эг узь.

*   *   *

Оксана садьмис, пуксис крӧватьӧ, а шонді синмас веськалӧ.

— Ой, коді шондісӧ ӧшӧдіс, менсьым синъясӧс ёрӧ.

*   *   *

Митя висьталӧ вокыслы:

— Кор нидзулыс быдмас — лоӧ змейӧн.

*   *   *

Воспитатель юалӧ:

— Мый тайӧ лоӧ — биын оз сотчы и ваын оз вӧй?

Мишук:

— Пӧжарник.

*   *   *

Елена Андреевна юалӧ Дуняшалысь:

— Тэ мыйла он садъяд волывлы?

— Чойӧй корьӧн висьӧ, а ме гриппӧн, гашкӧ, заразитча и висьма.

*   *   *

Веня:

— Мамӧ, кытчӧ мунӧны став поездъясыс?

*   *   *

Игорь:

— Мам, ньӧб меным ӧти Олегӧс.

— Меным тэ да Саня тырмас.

— Оз тырмы, меным Олег нима колӧ.

*   *   *

Валераӧс мамыс видӧ:

— Тэ мыйла котралан шапкатӧг?

— Шапкаӧн. Ме зептӧ сюйи ӧнтай.

*   *   *

Садйын занятие вылын:

— Челядь, кӧні кылӧ звук «р» рама кывйын?

Эдик:

— Звук «р» рама кывйын кылӧ менам вомын.

*   *   *

Тамара Ивановна:

— Зина, мун шыбит бумагаторъяссӧ ёг дозйӧ.

Зина:

— Сэні абу ни ӧти места.

*   *   *

Юриклӧн юрыс висьӧ. Мамыс корӧ.

— Ӧдйӧнджык ньылышт тайӧ лекарствосӧ.

— Менам жӧ юр висьö, а оз кынӧм.

*   *   *

Шура видзӧдӧ ывлаӧ, а сэні руа.

— Мамӧ, ывласӧ бара дядя Коля бусалӧма аслас гӧликнас.

*   *   *

Кык пӧдруга сёрниысь.

— Тӧрыт ме кокӧс кӧтӧді гуляйтігӧн и мамӧлӧн юрыс висьмис, сійӧ повзис, мед ме ог висьмы.

*   *   *

— Серёжа, век на тай он узь.

— А менам синъяс оз на узьны.

*   *   *

— Батьӧ, тэ вӧлін зэв ичӧтик?

— Вӧлі.

— А мамӧ вӧлі этатшӧм ичӧтик?

— Дерт, волі.

— А ме эг вӧв!

*   *   *

Светлана:

— Валентина Ивановна, кӧртав менсьым бантик.

— Абу мича, Света, тадзи шуны ыджыдъяслы, колӧ шуны — кӧрталӧй.

Серёжа:

— Валентина Ивановна, Света меным дажӧ шуӧ кӧртав, а мамӧ шуӧ, ме пӧ зэв нин ыджыд.

*   *   *

Войöыд батьыслӧн висис пинь. Алик:

— Мун доктор дорӧ, мед кыскас пиньтӧ и шыбитас джоджӧ, сэні мед сэсся и висяс.

*   *   *

Дарья тьӧт юалӧ ичӧтик Снежаналысь:

— Мыйӧн кутан уджавны, кор быдман?

— Телевизорын. Тӧра кӧ сэтчӧ, кор ыджыда быдма.

*   *   *

Занятие вылын воспитатель юалӧ:

— Кымын матрёшка сулалӧ менам пызан вылын? Колӧ висьтавны кузя.

Таня:

— Тіян пызан вылын сулалӧ уна мича ставыс дзик дзонь нёль матрёшка.

*   *   *

— Коді нӧ тайӧ бӧрдӧ тӧдтӧм нылыс?

— Ме абу тӧдтӧм, а тӧдса Оля.

*   *   *

Ичӧт Эля садьмис:

— Бабӧ, ӧзты би.

— Узь, водз на.

— Абу, став йӧзыс нин ворсӧны.

*   *   *

Лиза Генялы шуӧ:

— Эн нетшкы юрсисӧ аканьыслысь, став юр вывтіыс лоӧ плеш.

*   *   *

Асывнас бабыс юалӧ:

— Милочка, мый тэ аддзылін талун узигад?

— Талун, бабуля, нинӧм эз петкӧдлыны.

*   *   *

— Олежка, вай ӧдйӧджык мунам садъяд, огӧ удитӧй зарядка вылад.

— Мамӧ, часітӧ сувтӧд и огӧ сэки опоздайтӧй.

*   *   *

Банкаын чеччалӧ кык лягуша. Вова:

— Тайӧ чоя-вока.

Витя:

— Абу, тайö кык вок.

*   *   *

Люба:

— Талун рытнас мамӧ кампет ваяс.

Анжела:

— И ме кӧсъя кампет.

Люба:

— А тэ рытӧдзыс пыр кӧсйыны кутан?

*   *   *