'Жанна д'Арклы сиöм кывбур' конкурс

Дона челядь!

Дерт жӧ, ті тӧданныд Жанна д'Арк нима аньӧс, Орлеанса Деваӧс, Францияысь народнӧй героиняӧс!

Чужліс сійӧ 1412 вося январь 6-ӧд лунӧ ичӧт сиктын - Домремиын, Францияса асыввылын. Чужліс прӧстӧй крестьяна семьяын да эз вӧв грамотаа мортӧн. Но Жанна д'Арк зэв ёна эскис Енлы, и сы пыр кутіс мӧвпавны, мый Енмыс буретш сылы тшӧктӧ мездыны Аймусӧ. Сійӧ вермис корны Карл VІІ-лысь армия. Жанна д'Арк чукӧртіс войска и 1429 вося май 8 лунӧ мездіс англичанаысь Орлеан кар. 1430 вося май 23 лунӧ Жанна д'Аркӧс босьтісны пленӧ Компьень дорын да сетісны англичаналы. Руанса вичколӧн суд шуис Жанна д'Аркӧс еретничаӧн. И тайӧ том нывсӧ сотісны бипур вылын ловъя вывсьыс. Тайо лои 1431 вося май 30 лунӧ. Сылы вӧлі сомын 19 арӧс. 1456 воын Францияын Жанна д'Аркӧс торжественнӧя реабилитируйтісны. 1920 воын католическӧй вичко шуис сійӧс вежаӧн.

2012 воын Жанна д'Арклӧн чужӧмсяньыс тырӧ 600 во. И со Францияысъ ученӧй Ив Авриль, Орлеанса Жанна д'Арклӧн шӧринкӧд, миян республикаса Удора районысь Глотовоса шӧр школакӧд, "Йӧлӧга" газеткӧд да Францияысъ Льӧ Порш Ассоциациякӧд (тайӧ Ассоциацияыс ӧтувтӧ Францияысь, Россияысь, Польшаысь, Финляндияысь да Эстонияысь Жанна д'Аркӧс пыдди пуктысьясӧс) ӧтвылысъ шыӧдчӧны коми челядъ да том войтыр дорӧ конкурсӧн: гижны комиӧн Жанна д'Арк йылысь кывбур. Кывбурьяссӧ колӧ ыстыны "Йӧлӧга" газетӧ 2012 вося март 1 лунӧдз. Кывбур гижысъяссӧ юкасны арлыд серти: 7-11, 12-14 да 15-18 арӧсаяс вылӧ. Вермысьяслы лоӧ вичмӧдӧма Францияысъ Жанна д'Арк шӧринсянь дипломъяс да козинъяс. Удора районысь Глотово школаса директор А.А.Кряжевская сетас ассяньыс торъя приз. Нӧшта ӧти козин вичмӧдасны Льӧ Порш Ассоциациясянь.

Пырӧдчӧй!


Несколько номеров иллюстрированной газеты скачать, по этим выпускам можно составить полное впечатление и подписаться на получение издания.

*   *   *

Первая публикация статьи 28 ноября 2011 на сайте www.foto11.com – Новости.
См. также: 20-летие "Йӧлӧга", Детский ежемесячный журнал Би Кинь для детей дошкольного и младшего школьного возраста