Коми топонимический словарь · Вымь

Вымь (Емва), прав. приток Вычегды. Дл. 499, по другим данным 370 км. Берет начало со склонов Тиманского кряжа в районе хр. Покъюиз. См. Усть-Вымь (Емдін).
Мы склонны считать, что гидроним Вымь - Ёмва обско-угорского происхождения: хант. емэнг "святой, священный". Коми географический термин ва "вода, река" был присоединен позднее. Вымь (Вым) является вариантом слова ем (йэм). Неслоговой в перед ы развился на русской почве из й, см. Векшор - Екшор, Ву - ю (йу).
Религиозные термины довольно часто встречаются в топонимах как коми, так и обско-угорского происхождения, в том числе и с компонентом ем. Хантыйский ойконим Ем-вош имеет параллельное коми название Вежакар "священный город" (хант. вач, воч, вош "город").
Почему река так названа? Религиозно-культовые имена, иногда запретные и грозные, получали чаще всего необычайные географические объекты: глубокие, труднодоступные озера, быстрые порожистые реки, горы, имеющие необычную форму.
Вымь - река порожистая, с быстрым течением. Отметим наиболее крупные пороги: Коинкось "порог у р. Коин", Ӧшмӧскось "порог у р. Эшмэс", Большой и малый Рочкось "русский порог", Тшуптакось "ступенчатый порог", Чайӧскӧсь "порог у р. Чайэс" и Кытшылькось "кривой порог". Они расположены почти на равных расстояниях, и самыми крупными и внушительными являются Большой Рочкось и Коинкось".
В "Книге Большому Чертежу" Вымь выступает под названием Птица (Книга 164). См. Кай.
В дореволюционной литературе можно встретить объяснение названия Емва как "божья вода" или "игла-река" (Веске 1890:10; Куратов 1939:258). "Божественное" имя река получила якобы в связи с деятельностью в этих местах епископа Стефана Пермского. Отметим, что название Вымь - Емва существовало еще до прихода в эти места миссионеров Степана Храпа, а игла является слишком неброским предметом для такой большой реки, как Вымь.

*   *   *

Природа тан и гӧль, и скуп, и стрӧг.
Крут берег. Ва.
И шувгӧ нёрмӧм ниа.
А керӧс улын гымалӧ порог,
Кӧн звермӧма лёк скӧрлунӧн стихия.
Серафим Попов.

А.И.Туркин "Кӧні тэ олан" — Емва (Вымь).

Емва — Эжвалӧн медся ыджыд вож. Сылӧн кузьтаыс 499 километр. Заводитчӧ Емва Шӧр Тиман гӧраясын да визувтӧ лунвывлань. Шомвуква сиктӧдз юыс лӧнь, улынджык сійӧ визувтӧ крут берегъяс костӧд, кӧні паныдасьлӧ уна ыджыд кось. Весляна сиктсянь улынджык Емва бара лоӧ лӧнь. Уліланьыс юлӧн пасьтаыс 200—300 метр. Емвалӧн медся гырысь вожъясыс — Весыва (Весляна), Вӧрыква, Йолва, Коин да Пожӧг.

Заводитам туявны, кытысь артмӧма юыслӧн нимыс. Бара жӧ ӧтиыс коми (Емва), а мӧдыс — роч (Вым, Вымь). Мый лоӧ коминас Емваыс, а рочнас — Вымыс?
Ӧткымынъяс Емва нимсӧ йитлісны ем кывкӧд. Ваыс пӧ сэтшӧм сӧдз, мый весиг ем тыдалӧ. Мӧдъяс аддзылісны татысь ен кыв. Стефан Пермский пӧ уна роч ен вайлӧма. Коймӧдъяс зільӧны ӧткодявны юыслысь нимсӧ вомкӧд. Эжваас усигас пӧ вомыс, устьеыс паськыд. Тайӧ ставыс топонимическӧй мойдъяс.

Емва нимӧ пырӧдчигӧн медвойдӧр тӧд вылын колӧ кутны, мый ем кывйыс паныдасьлӧ мукӧд нимъясын, босьтам кӧть Ёмваль (кык ю) да Ёмгорт. Тешкодь, дерт, мӧвпавны, мый тайӧ ичӧтик юас кодкӧ уськӧдіс ем, а сиктас Стефан Пермский вайис ассьыс енъяссӧ.

Тайӧ нимъясыс йитчӧмаӧсь йӧгракӧд. Ханты сёрниын эм ем кыв, кодлӧн вежӧртасыс "вежа, святӧй, священнӧй". Емва — вежа ва, ю. Емваль — вежа вомын, Емгорт — вежа горт. Хантъяслӧн ӧнія оланінас Сосьва бассейнын эм асланыс Емва, коді шусьӧ Ем-еган. Ӧти ханты сикт Емвош комиӧн шусьӧ Вежакар.
Мыйла юыслы сетӧмаӧсь татшӧм нимсӧ? Религиозно-культӧвӧй нимъяс (мукӧд дырйи гуся да вына) сетавлісны мыйӧнкӧ ёна торъялысь географическӧй объектъяслы: джуджыд пемыд ваа вадъяслы, крут, аслыссяма формаа из скалаяслы, визув коськӧсь юяслы.

Емва — визув ю. Сылӧн коськъясыс паськыда тӧдсаӧсь. Эз этша пыж разьсьыв налӧн крепыд плешъясӧ, уна морт лов нулісны юлӧн еджыд гыясыс. Торйӧн нин уна кось Коин вож вомысь улынджык. Со некымын косьлӧн нимыс: Векнескось, Ёськось, Коинкось, Дзӧля да ЬӀджыд Ӧшмӧскось, Дзӧля да Ыджыд Рочкось, Сэтӧракось. Коськӧсь абу сӧмын Емва, ёсь изъясӧн тырӧмаӧсь и сылӧн вожъясыс.
Емва бокса пещераясысь аддзывлісны бӧлбанъяс, пуысь вӧчӧм вӧрса енъяс, кодъяслы эскывлісны важ йӧз. Татшӧм идолъясыс да святӧй пещераясыс, тыдалӧ, Емва пӧлӧн вӧлӧма уна.
Ӧні лои гӧгӧрвоана, мый вӧсна юыслӧн нимыс Ёмва "вежа ю". Ясыд и сійӧ — Вым да Емва ӧти нимлӧн кык форма, кык вариант. Медым вӧлі гӧгӧрвоанаджык, ю нимыслысь коми вариантсӧ гижам тадзи: Йэм (ва). Медбӧръя юкӧныс — ва — содӧма сёрӧнджык. Роч да коми кывъяслӧн фонетика серти неслогӧвӧй й-ыс кокниа пӧрӧ в-ӧ, шуам, коми йир войвывса роч сёрниын вир "ӧмут". Луза дорса сикт Екшор (Иэкшор) рочӧн лоӧ Векшор.

Татшӧм процессыс мунӧма абу сӧмын коми кывъяскӧд. Роч летописьясын пасйӧма некымын эстонскӧй ним: Лехма-йоки, рочӧн Лемо-вжа, Эма-йыги — Омо-вжа, Питкя-йоки — Пче-вжа. Кыдзи аддзанныд, быдлаын й-ыс вуджӧма в-ӧ.

Важ коми сёрниын в-ыс вӧлӧма шӧркодьӧн в да у костын. Бӧрас тайӧ шӧркодь в-ыс кыскас э-сӧ и артмас ӧнія роч формаыс Вым.
Артмӧ, мый Емва да Вым ӧти кыв и сылӧн вежӧртасыс "вежа, святӧй, священнӧй ю".